1 Samuel 31
Matien Onen Sol
1 Samuel 31:1-6
1Avong tai, me-Filistia keil amumon vaeen ral min me-Isrel keil en Vatihou Kilboa. Houlu en me-Isrel keil umatmat ka houlu mun en keil alohosai. 2Me-Filistia keil alikat Sol ral min meatin sav keil onen va vio ... avuli kat natnali keitel ka amuas keitel telmat, iseatel Sionatan, Abinadab, ka Malkisua. 3Evus, vaeen enek mai keih imok en out koa Sol mul ien. Koakeil akur hisuput, uvani, ka atuv bon Sol, vesesal vamat. 4Sakini, Sol viles vis litetai koa mul lah tounah keil tavaeen onen vit, “!Leh lat naef tavaeen onom ka kisal vini nau nimat! !Ekrovattei koakeil enek koa areingeingen Ahi avamai avoumon tohtohien minau navong uas nau nimat!” Ka litetai enek metau voumoni. Sakini Sol enges viles naef onen, mot va ien, ka sal vini kei sasen mat. 5Navong litetai enek lesi keke Sol mat, kei mun mot va en naef onen, ka sal vini kei sasen mat. 6En sakien enek, Sol, natnali keitel, litetai takataunien onen, ka meatin vasi keil onen umatmat en avong tas.
Copyright information for
PMA